好似好耐冇update咁

好多嘢想講呀

最近都冇咩mood..

返學都黑埋面..

記得某某講過,

人哋鐘意你又點?

唔通人哋鐘意你你就要同佢1齊?

哩句令我諗通咗好多

唔知喺某人心目中(某人不是某某)

我佔既係咩位置呢?

可能只係好細好細

細到轉頭佢就會唔記得咗我..

突然間好想返到暑假之前tim..

當你橫刀奪愛果陣

我曾經擁有過你

好既嘢肯定多人爭啦

當我仲猶豫緊要唔要哩樣嘢果陣

我話過我唔會再做失禮既嘢

過去既就由得佢過去啦

唔去再諗咁多..

哩幾日只手仲係有d痛..又流血.

不過應該會慢慢好返架啦..

就算好唔埋都唔緊要

就快要去覆診啦

上次去做xx檢查係8月31日

3個月後..又要覆診啦

聽日同“浩賢哥”,仲有30幾人去灣仔

可惜此“浩賢”非彼浩賢

好感謝教會d人..

你哋真係好好好好

星期6晚遇到4位救星^^

好感恩呀

對唔住

除咗哩句,我唔知我仲可以講d咩

之前係因為我既優柔寡斷,

令到你受傷害..

喺哩個星期裡面,

我真係諗得好清楚

或者我哋並唔係咁適合大家

喺同你1齊既日子入面

我發覺我搵唔到我想要既嘢

可能係我哋唔了解對方

而我最後都選擇咗放棄

我知咁樣好自私

可能你都感覺到我哋之間有小小嘢變咗..

變得好勉強

今日分開,

唔好傷心

應承我

千奇唔好喊

因為根本唔係你既錯

好對唔住.

我並唔係你既女主角

唔好為我而傷心

因為你笑住既樣先係我最想見到既

如果有緣既話

即使今日分開

到某一年某一日

我哋都會喺條街度重遇

記住好好照顧自己

真愛

真係要等待嫁

希望你可以明白

16碎生日之”後補”生日

“生日快樂!好希望聽日可以見到你!”雪糕sd咗條msg俾我

“點解希望見到我既?”

“你到時嚟咪知囉”

就係因為咁,我同呀軒喺10月24日(星期6)又返咗教會.繼續同神約會

d教友都係好似平時咁聯合崇拜,

好似平時咁小組敬拜

喺小組分享”感恩的事”果陣,

我就1邊聽1邊諗

琴日係我既生日喎

點解組長同d組員唔叫我分享下

或者唔關心下我既?

佢哋好似完全唔記得咗我生日

好似遺忘咗我咁

Then呀珊俾咗1張紙俾我哋

叫我哋每人寫3樣覺得最難頂既嘢

我寫下寫下問呀軒幾多點

原嚟已經6點喇.

我同組員講咗話要走

跟住我繼續寫喇

寫寫下聽到有人唱生日歌

跟住我心諗:

咦?今日係邊個生日呢?

我望向門口

Ak欣拎住個蛋糕行緊入嚟

我發覺所有組員都望住我

對住我笑

我仲懵下懵下咁

組長大嗌:”小蟲生日快樂呀!”

我即刻放低我寫緊果張紙

接住ak欣俾我既蛋糕

仲有生日咭同埋禮物

哇!!!

好感動呀!

佢哋唔聲唔聲嚇咗我一驚!!!

人生中既第1次驚喜!!!

佢哋每人竪起1只食指俾我當做蠟燭

我全部”吹熄”曬

^^

佢哋1齊講咗1句:”我愛你”

哇!聽到我面都紅埋

用手遮住塊面回應佢哋:”多謝你哋!我都愛你哋”xd

我同佢哋每1個影相

呀琛.呀軒.ak欣.翠宜.雪糕.呀魚.Queenie.呀珊.呀機.豬明.maggie.(仲有呀企.Janet)

你哋個個都好可愛

願主更愛你哋

更多咁進入你哋既心

正因為你哋

令我無聊既生日變得有價值,

再說1次,我愛你哋